İstifadə şərtləri

Müəllimtap platforması (bundan sonra — “Platforma”) repetitor axtaran valideyn və şagirdləri müəllimlərlə əlaqələndirir. Saytdan istifadə etməklə bu şərtləri və məxfilik siyasətini qəbul etmiş olursunuz.

1. Platformanın rolu

Platforma müəllim ilə valideyn arasında körpü rolunu oynayır. Dərs müqaviləsi, dərs cədvəli, dərsin keyfiyyəti və dərs haqqının ödənişi birbaşa müəllim ilə valideyn arasında razılaşdırılır. Platforma dərs haqqını qəbul etmir və ödənişlərin tərəfi deyil.

2. Valideyn və şagirdlər üçün

• Platformadan istifadə valideyn və şagird üçün pulsuzdur.
• Müəllimin nömrəsini almaq üçün Google hesabınızla daxil olur, öz adınızı və real telefon nömrənizi yazırsınız; bu əlaqə qeydə alınır.
• Dərs haqqını müəllimə birbaşa — nağd və ya kartla — ödəyirsiniz.
• Platforma dərslərin başlayıb-başlamadığını dəqiqləşdirmək üçün sizinlə əlaqə saxlaya bilər.
• Müəllimin nömrəsindən yalnız dərslə bağlı əlaqə üçün istifadə edə bilərsiniz.
• Valideyn panelinizə Google hesabınızla daxil olursunuz. Dərslər başlayanda bunu orada düzgün bildirməyiniz xahiş olunur.
• Rəyi yalnız dərslərin davam etdiyini bildirdiyiniz müəllimə yaza bilərsiniz. Rəy həqiqi təcrübənizə əsaslanmalı, təhqir və şəxsi məlumat içərməməlidir; Platforma rəyi yoxlayır və qaydalara uyğun olmayanı dərc etmir.

3. Müəllimlər üçün

• Müraciətdə göstərdiyiniz bütün məlumatlar və yüklədiyiniz sənədlər həqiqi olmalıdır.
• Profiliniz yalnız Platforma təhsil sənədlərinizi yoxladıqdan sonra saytda görünür. Platforma müraciəti səbəb göstərərək və ya göstərmədən rədd edə bilər.
• Qiymət, format və digər məlumatlarınızda dəyişiklik olduqda Platformaya bildirməlisiniz.
• Dərs haqqını şagirddən birbaşa özünüz alırsınız.
• Panelinizdən əlavə etdiyiniz şagird nəticələri həqiqi olmalıdır. Şagirdin tam adını yox, adını və soyadının ilk hərfini yazın; nəticəni dərc etmək üçün şagirdin (18 yaşdan kiçikdirsə, valideynin) razılığını almaq sizin məsuliyyətinizdir.
• Platforma nəticələri yoxlayır və sübutu olmayan və ya şübhəli nəticəni dərc etməyə bilər. Saxta nəticə profilin bağlanmasına səbəb olur.

4. Ödəniş

• Hazırda Platformadan istifadə müəllimlər, valideynlər və şagirdlər üçün tamamilə pulsuzdur: qeydiyyat, profil və müəllimin nömrəsini görmək üçün heç bir ödəniş alınmır.
• Müəllim dərs haqqını şagirddən birbaşa özü alır; Platforma bu məbləğdən heç bir pay götürmür.
• Gələcəkdə ödənişli xidmət tətbiq olunarsa, müəllimlərə ən azı 30 gün əvvəl xəbər veriləcək və o, yalnız müəllimin razılığı ilə tətbiq ediləcək.

5. “Diplomu yoxlanılıb” nişanı

Bu nişan müəllimin təqdim etdiyi təhsil sənədinin Platforma tərəfindən yoxlandığını bildirir. O, dərsin keyfiyyətinə və ya şagirdin nəticəsinə zəmanət deyil.

6. Qadağan olunan hərəkətlər

• saxta məlumat, sənəd, şagird nəticəsi və ya rəy təqdim etmək;
• başqasının adından müraciət etmək;
• müəllimlərin əlaqə məlumatlarını dərsdən başqa məqsədlə toplamaq və ya yaymaq;
• saytın işini pozmağa və ya təhlükəsizlik qaydalarından yan keçməyə cəhd etmək.

Bu qaydaları pozan istifadəçinin girişi və ya profili məhdudlaşdırıla bilər.

7. Məsuliyyət

Platforma müəllim ilə valideyn arasında yaranan razılaşmaların, ödənişlərin və mübahisələrin tərəfi deyil. Platforma saytın fasiləsiz işləməsi üçün səy göstərir, lakin texniki fasilələrə görə məsuliyyət daşımır.

8. Dəyişikliklər və tətbiq olunan qanun

Şərtlər yenilənə bilər; yenilənmə tarixi səhifənin yuxarısında göstərilir. Bu şərtlərə Azərbaycan Respublikasının qanunvericiliyi tətbiq olunur.

9. Əlaqə

Suallarınız üçün:

Əlaqə məlumatları tezliklə əlavə olunacaq.